Tour de Singkarak

Tour de Singkarak

Rincian balapan
Palaksanaan	November
Lokasi	Sumatra Barat, Indonesia
Julukan	TDS
Disiplin	Jalan
Kompetisi	UCI Asia Tour 2.2
Sejarah
Edisi patamo	2009
Edisi tabaru	2019

Tour de Singkarak adolah kajuaraan pacu sapeda resmi dari Pasatuan Balap Sapeda Internasional (Union Cycliste International) nan diadoan satiok taun di Sumatera Barat. Kajuaraan nan patamo kali dimulai pado taun 2009 ko marupokan balapan jalan rayo jarak jauah nan umumnyo diadokan kiro-kiro di patangahan taun atau manjalang akhia taun, dan balansuang kiro-kiro salamo saminggu atau labiah. Kajuaraan iko alah manjalin karajosamo jo Amaury Sport Organisation, nan adolah panyalanggara Tour de France di Parancih.^[1] Ranking Tour de Singkarak di tingkek dunia kalau diliek dari jumlah panonton, manduduki paringkek ka-5, dibawah Tour de France, Giro d’Italia, Vuelta a Espana, jo Santos Tour Down Under.^[2]

Sasuai jo namonyo, Danau Singkarak nan marupokan danau paliang gadang di Sumatera Barat manjadi bagian dari jalua linteh Tour de Singkarak. Salain tu, babarapo kawasan wisata lain turuik manjadi bagian dari jalua lintehnyo, tamasuak Lambah Harau, Danau Maninjau, Kelok 44, Danau Diateh, jo Danau Dibawah.^[3]

Pado taun 2019, Provinsi Jambi partamo kali turuik sato dalam Tour de Singkarak. Mawakili provinsi ko, ado duo kabupaten/kota nan sato, yaitu Kota Sungai Penuh jo Kabupaten Kerinci pado etape VII jo VIII. Turuiknyo Jambi dalam Tour de Singkarak diarokan dapek maningkekan infrastruktur utamonyo jalan nan dilalui rute balap.^[4]Acara iko alah tigo tahun absen karano pandemi covid19.

1. ↑ regional.kompas.com Penyelenggara TdS Targetkan Kenaikan Kelas.
2. ↑ "Pebalap Iran Dominasi Tour de Singkarak 2017". 
3. ↑ olahraga.kompas.com Pariwisata Versus Balap Sepeda.
4. ↑ antaranews.com (2019-10-31). "Jambi tak ingin lewatkan momen Tour de Singkarak 2019". Antara News. Diakses tanggal 2019-11-01.